Slik vil utval auke fødselstala: Foreslår forsøk med å la småbarnsforeldre jobbe mindre

Samla fruktbarheitstal har sokke frå 1,98 barn per kvinne i 2009 til 1,4 i 2023 – det lågaste fruktbarheitstalet som nokon gong er registrert i Noreg. I åra sidan har talet auka noko, men er framleis langt under nivåa dei har vore på tidlegare.

Samstundes som fødselstala er låge, viser spørjeundersøkingar at norske kvinner og menn ynskjer seg fleire barn enn dei faktisk får.

Det regjeringsoppnemnde fødselstalsutvalet har sett på årsaker til dei fallande fødselstala og har no komme med rapporten sin. Dei peikar på to hovudårsaker til fallet: at unge etablerer seg seinare i vaksenlivet og utset familiedanninga, og at færre får fleire enn to barn.