Siste påske for soknepresten

Det er ein spesiell vår for Kari Vik Stuhaug. Når påskehøgtida no nærmar seg, er det siste gong ho går inn i dei heilage dagane som sokneprest i Etne. Etter tre år i kommunen, og seks år i presteteneste i Ølen før det, nærmar ho seg avslutninga på eit langt og innhaldsrikt arbeidsliv.

— Eg er i grunnen fornøgd med at eg har halde på til eg er 65, seier ho, men legg til at tida er moden til å ta tempoet litt ned.

Den 7. juni held ho sine siste gudstenester før ho går ut i sommarferien – og vidare inn i eit liv som pensjonist.