Syglede på biblioteket

— Dette er kjempegøy, lærerikt og sosialt. Eg gjekk på kurset i fjor vår også, og nå har eg deltatt på dette, seier Kari Anne Furseth frå Sandeid og set seg godt til rette bak symaskina på Vindaverkstaden i tredje etasje på biblioteket i Ølen.

Kari Anne har lang erfaring med både sying, brodering og kunstmaling, og torsdag har ho tatt turen til biblioteket for å læra seg å sy eit lite klesplagg. Mønsteret er på plass og nå ventar ho på hjelp frå dei to instruktørane Tove Tørresdal og Eva Einarsdotter Møllerhaug.

— Eg skal sy meg ein topp i dag, og eg vil nytta meg av desse to instruktørane som har kunnskap, seier ho.