Richard og Ellen Vanvik frå Kvaløy blei heidra med Småkraftprisen under Småkraftdagane i Bergen tysdag. Prisen består av eit kunstverk.
Mads Sander, Småkraftforeninga
Heidra for handverket
Prisen blei delt ut under Småkraftdagane på Edvard Grieg Quality hotel i Bergen tysdag denne veka.
Richard og Ellen Vanvik visste ikkje kva som venta dei før dei plutseleg høyrde eit kjent stadnamn bli sagt oppe på scena.
— Det var veldig overraskande. Dei starta å snakka om denne prisen, og så nemnde dei Kvaløy. Då begynte eg å lura, seier Richard Vanvik til Grannar.