Gjer garden til noko meir

— Det er framleis litt uverkeleg når eg tenkjer på det, sa Anita Øvregård, då ho fortalde 20 gjestar om reisa ho og ektemannen Tore har hatt frå dei blei gardbrukarar i 2002.

Sidan då har dei etablert Øvregård landhandel & café, pussa opp bygningar og skapt ein stad for arrangement. Eit tidlegare uthus er gjort om til bakeri, butikk og loftslokale. Låven er også pussa opp og blir brukt til selskap og samlingar.

På tunet finn ein både ein gamal BP-stasjon og utstilte bilar. Snart står også ei ny badstove klar.