Aksjon på den store utfartsdagen: — Like viktig som olje, diesel og bensin

— Me gir bilistane gratis spylarvæske og ei lita helsing frå oss i NAF. Dei får litt service, og eit ønske om god påske, seier Kjell Helgesen, frivillig i NAF Haugesund og omeng. 

Han har vore medlem i NAF i over 30 år, og fortel at påskeaksjonen er ein tradisjon dei har halde på med i mange år.

Saman med han står Olav Magne Gard, som fortel at aksjonen er eit samarbeid mellom NAF og Circle K, og at den går føre seg på fleire andre stasjonar over heile landet fredag.