Olav Vagle.
PRIVAT
Minneord: Olav Vagle
Livsvegen
her på jord tok slutt for Olav Vagle 19. mars. Vandringa varde i 93 år. Olav
fekk eit langt, godt og engasjert liv. Han vaks opp og budde på Vagle i Ganddal
det meste av levetida si, men i åra 2008 til 2024 var han busett i Skjold. Han
døydde på Kleppheimen.
Olav
var odelsgut, men valde snikkar- og tømrarfaget. Byggmeisteren Olav Vagle stod
for bygging av løer, hus og endå større bygg. Han hadde eit særleg auge for
lærlingane sine. Han likte å læra frå seg og gav mang ein ungdom mot og lyst
til å halda fram med å reisa byggverk.
Byggande
aktivitet galdt ikkje berre det materielle for byggeleiaren Olav Vagle. Han
engasjerte seg heilt frå unge år i kristent arbeid. Eit skjelsetjande år hadde
han på folkehøgskulen Hurdal Verk, eit anna i Tysklandsbrigaden. Ungdomslaget
ved Ebeneser i Ganddal leia Olav Vagle i mange år.
