Håpar på ei framtid som bonde

Olve Birkeland frå Vikedalsdalen har alt staka ut kursen for kva han aller helst vil jobba med i framtida, og øvst på lista står bondeyrket. Draumen er eit småbruk med kjøttfeproduksjon og utegriser, i kombinasjon med jobb som betongfagarbeidar, og litt smiing og ølbrygging på si.

 — Eg har veldig lyst til å driva gard. Det brenn i sjela mi for å få starta eit gardsbruk, seier Olve Birkeland.

Om bondedraumen inneber å overta heimegarden eller gå til innkjøp av eit gardsbruk er uvisst, men gard skal det bli uansett. Det har 20-åringen bestemt seg for.