Om oss

Fakta om Grannar

Grannar er lokalavisa for Etne kommune i Vestland og Vindafjord kommune i Rogaland. Avisa leverer nyheiter på nett kvar dag i veka, og kvar torsdag kjem ei fyldig papiravis.

I 2025 hadde Grannar eit opplag på 3.472 eksemplar. Primærområdet omfattar rundt 4.950 husstandar, og undersøkingar viser at heile 80 prosent av desse les avisa jamleg. Om lag ein femdel av abonnentane bur utanfor Etne og Vindafjord.

Grannar har sju fast tilsette, tilsvarande sju årsverk. Heile avisa blir produsert lokalt, medan trykk skjer hos Schibsted Trykk Bergen. Distribusjonen av papiravisa blir utført av Posten.

Grannar blei starta i 1973 (tidl. to aviser; Grannar og Vindafjordingen). Avisa er partipolitisk uavhengig og eigd av om lag 800 lokale aksjonærar. Styret består av fem personar, med Asbjørn Moe frå Etne som styreleiar.

Ansvarleg redaktør er Ann Margit Grønstad.