Det er ikkje berre barnet som ikkje søv, ofte gjeld det heile familien. Å bli teken frå søvn over tid, er smertefullt og utmattande. Søvneksperten Caroline Lorentzen seier det ofte berre er små justeringar som skal til.
Sara Johannessen Meek/NTB
Småbarnsforeldre: Gjer dette når klokka skal justerast
Natt til søndag 29. mars klokka 02 blir klokka stilt ein time fram til klokka 03. Både vaksne og barn slit med å justere den biologiske klokka. Litt hjelp får vi likevel i år, sidan sommartid startar samtidig med at påskeferien byrjar.
Når vi stiller klokka fram til sommartid første natta, vil nok dei som ikkje vaknar av seg sjølve, sove litt ekstra lenge på søndag morgon.
Kampen vil starte for nokon når kvelden kjem. Då må ein leggje seg ein time tidlegare, om ein skal følgje klokka. Til dømes viser klokka 19, men den biologiske klokka seier klokka 18.
