Skattedirektør Nina Schanke Funnemark seier at 9 av 10 vil få skatteoppgjeret før sommaren. Veldig mange av dei som har skatt til gode, vil få dette utbetalte innan utgangen av juni.
Håkon Mosvold Larsen/NTB
Skattepengar i vente før sommarferien
Det vanlegaste spørsmålet Skatteetaten får, er «når kjem skattepengane?» Litt over halvparten kan vente skatt tilbake – og nesten alle får pengane før juli.
Skatteetaten varslar at no er alle skattemeldingane sende ut. Til saman er det gått ut 5,3 millionar skattemeldingar til lønnstakarar, dei som får pensjon og enkeltpersonføretak.
Skattedirektør Nina Schanke Funnemark seier at 9 av 10 vil få skatteoppgjeret før sommaren. Veldig mange av dei som har skatt til gode, vil få dette utbetalt innan utgangen av juni. Nokre har allereie fått pengar – og kanskje til og med brukt dei opp.
