103-åring deler barndommens påskeminne

Påsken er kristendommens eldste og viktigaste høgtid. I Norge har me feira påske i snart 1000 år og måten me feirar på har endra seg med åra. Frå å vera ei streng religiøs markering av Jesu død og oppstandelse, til dagens feiring med hytteturar, påskekrim, påskepynt og påskeegg.

For 103 år gamle Marta Maria Sørhus frå Vats var barndommens påske ei tid ho hugsar med glede. Då samlast storfamilien heime på Sjurseike, og slekt som hadde flytta ut av bygda kom heim for å ta del i feiringa.

— Me fekk besøk av slekt og av naboar, seier Sørhus og minnest hyggelege dagar med ekstra god mat på bordet og tid til samvær med familie og gode naboar.