Inviterer til vårrydding

— I år blir det dugnad på alle kyrkjegardane torsdag ettermiddag den niande april, seier Kjell Ingvald Matre og håpar så mange som mogleg vil vera med på å ryddedugnaden.

Ved kvar kyrkjegard er det ein person som tek seg av organisering av dugnaden, og dette året har Matre fått ansvaret ved Gjerde kyrkje i Etne sentrum. Arbeidet består i å rydda rusk og rask, raka lauv og fjerna ugras frå grusgangane.

— Alle som ønskjer å delta må ta med seg river og hagereiskap. Og det kan henda det blir tid til ein kaffiskvett, men då må alle ta med seg litt sjølv, seier han.