Vil gi fleire moglegheiter i arbeidslivet

— Målet er at endå fleire skal få moglegheiter på arbeidsmarknaden, og då er eit nettverk der me kan koma i dialog med kvarandre ein god start, skriv Vindafjord kommune på nettsida si.

Samlinga er i kantina på Vindafjord rådhus i Ølen 29. april. Målgruppa er bedriftsleiarar og HR-medarbeidarar. Ein melder seg på til leiar Kristin Tofte i NAV Vindafjord-Etne.

Tema for bedriftsnettverket denne gongen er sjukefråværsoppfølging. Fagrettleiar ved NAV Vindafjord-Etne, Agnieszka Brendeland, og rådgjevar ved NAV Arbeidslivssenter, Marianne Lillenes Grainger, kjem for å informere om aktuelle tema innan sjukefråværsoppfølging.