Viktig møte om bustad- og omsorgstilbod for eldre

Dette opplyser Vindafjord kommune på nettsida si.

Seniorrådgivar Linda Nordgreen og avdelingsdirektør Bjarte Bøe Alræk i Husbanken kjem på møtet. Dei vil fortelje om verkemidla Husbanken har retta mot eldre, og korleis desse kan bidra til tryggare bustad og gode løysingar for framtida.

Vindafjord kommune skal òg orientere om arbeidet med prosjektet for samlokalisering av omsorgssentra. Møtet blir arrangert på dagtid i arrangementkaféen på Sjøperlo, og det blir servert noko å bite i.