Birthe (39) blir ny einingsleiar

Fredag neste veke startar Birthe T. Eik i stillinga som einingsleiar for Miljøarbeidstenesta i Etne kommune. Ho kjem frå ei stilling som avdelingsleiar i heimetenesta på Husnes, der ho har arbeidd det siste året. Før det arbeidde ho åtte år som avdelingsleiar ved sjukeheim.

Eik er utdanna sjukepleiar, med vidareutdanning innan eldreomsorg og leiing. I tillegg held ho på å fullføra ein master i organisasjon og leiing. Med dette har ho eit godt fagleg grunnlag når ho no skal ta fatt på ei ny rolle.

— Eg søkte på jobben fordi han verkar spennande, og Etne kommune ser ut til å vera ein interessant kommune å jobba i, fortel ho.