Uvêret Hans i 2023: Eggeelva drog med seg delar av vegen i Brandbu under ekstremvêret. Det var eit stort arbeid å rydda opp etter ekstremvêret.
Foto: Stian Lysberg Solum / NTB / NPK
Uvêret Hans i 2023 har så langt kosta 3,1 milliardar kroner
Anslaget etter ekstremvêret Hans er oppjustert til 3,1 milliardar kroner og er dermed det mest kostbare ekstremvêret registrert hos Naturskadepoolen.
Kostnaden gjeld skadar på bygningar og innbu etter naturskadeforsikringslova. Skadar på mellom anna bilar og båtar kjem i tillegg til naturskadetala. Det gjeld også skadar på infrastruktur som vegar og bruer.
– Forsikringsselskapa og Norsk Naturskadepool er rigga for å handtera store naturskadar, seier dagleg leiar Ståle Solem Ingebrigtsen i Norsk Naturskadepool i ei pressemelding.
Dalførene Hallingdal, Gudbrandsdalen og Valdres vart særleg hardt ramma av flaumen som herja i Innlandet i august 2023.
