Løpelegen over 70

Eric Mills var nærmare 70 enn 60 då han sprang sitt første store løp. Det som byrja som ein impulsiv «kvifor ikkje»-avgjerd, har sidan blitt til tusenvis av kilometer, fleire halvmaraton, lange skirenn og eit imponerande treningsliv – heilt utan skadar. Over 70 år gammal er han i betre form enn mange som er halve alderen. Og som lege veit han godt kva som skjer med kroppen når aldringa set inn – så han brenn for at folk skal vera i bevegelse.

I 2019, då han var 65 år, sprang han sitt første langløp på 27 kilometer.

– Eg sa først nei. Eg skjønte ikkje heilt greia med løp. Eg gjekk jo der eg ville uansett, ler Mills.