Populært kinotilbod med rom for kaffikos

Klokka nærmar seg halv eitt tysdag føremiddag og foajeen i Skakke i Etne er i ferd med å fyllast med kinoglade kvinner og menn. Dei fleste er ute i god tid før filmen skal rullast i gang og nyttar ventetida tid til ein liten prat med vener og kjente. Tysdagsfilmen, som står på kinoprogrammet eit par gonger i månaden, er blitt eit populært kinotilbod som stadig fleire set pris på. Denne tysdagen står musikkdokumentaren Epic: Elvis Presley in Consert på kino plakaten, ein film som har lokka ekstra mange til kinosalen.

— I dag skal me sjå ein konsertfilm om Elvis. Det gler me oss til, seier Turid Becker og Bergfrid Namtveit.

Dei to damene i pensjonsalder er ofte på plass når Skakke kino inviterer til tysdagsfilm på dagtid, og denne dagen er ikkje noko unntak.