Med kvinnehelse som tema

Mitt fargerike nabolag og Sanitetskvinnene i Ølen markerte kvinnedagen med å invitera til føredrag med Linn Mari Johansen. Tema for kvelden var kvinnehelse frå eit samfunnssexologisk perspektiv. 50 personer møtte opp på Sjøperlo, der rundt halvparten hadde utanlandsk opprinnelse. Her fekk me eit innblikk i, og kunnskap om korleis hormon påverkar helsa vår gjennom eit livsløp, og kva for utfordringar dette fører til spesielt for kvinner i arbeidslivet. Korleis kan arbeidslivet legga til rette for kvinner i sårbare periodar. Kvinner topper sjukemeldingstatistikken. Eit tankevekkande og interessant føredrag som ga publikum ny kunnskap og forståing for kvifor mange kvinner slit med å strekka til mellom anna i arbeidslivet.

Det blei og tid til mingling og Sanitetskvinnene stilte opp med nylaga lappar og kaffi i pausen. Catherine Chimba frå Mitt fargerike nabolag leia møtet.

Signe- Britt Vik, «Mitt fargerike nabolag»