Nye krefter til Olav Vik-styret

Det er valnemnda som har peikt ut kandidatane, og framlegget var samrøysta då saka var til behandling 19. november. I kommunedirektøren sitt framlegg til vedtak går det fram at Ståle Sørheim skal inn som fast medlem av styret for perioden 2025–2027, mens Siri Klokkerstuen blir sett opp som vara. Saka skal no vidare til endeleg vurdering i kommunestyret komande tysdag.

Tre av fem

Olav Vik-stiftinga skal i følgje vedtektene ha fem medlemmer, og tre av desse skal veljast av Etne kommune. To av medlemmene, med kvar sin vara, skal veljast av hovudutvalet. Den eine skal ha særskilt interesse for kunst, mens den andre skal vere skogkyndig. Den tredje medlemmen, med vara, er det kommunestyret som skal peika ut. Alle medlemmene blir valde for to år om gongen.