Motiverte for foreldrekurs

— Kurset gir foreldre ein annan måte å sjå barnet på, men også seg sjølve. Det er eit kurs som kan gjere ein stor skilnad, seier helsesjukepleiar Synnøve Lovra Viskjer til Vindafjord kommune si nettside.

Saman med familierettleiar Elin Gravelsæter skal ho halde COS-P-foreldrekurs. Kurset startar torsdag 5. mars og blir halde i Ølen. Det er for dei med barn i alderen 3–10 år. Totalt er det åtte kurskveldar. Det held fram kvar torsdag til 30. april, med pause i påskeveka.

Påmeldinga er open, og ein kan melde seg på eller stille spørsmål ved å kontakte Viskjer.