Senior kommunikasjonsrådgjevar Marianne Veggeberg (f.v.), byggjeleiar Terje Lunestad og SHA-koordinator Sigbjørn Tårland, alle Statnett, var til stade under oppstarten av linjetrekkinga mellom Nerheim og Knapphus.
Nils Tokheim
Linjeleggjing nær folk
Lunestad snakkar gjerne om all fagfolka han har rundt seg involvert i prosjektet. Frå ingeniørarbeidet på førehand til erfarne kroatiske masteklatrarar, og dessutan helikopterpilotane som gjer eit imponerande presisjonsarbeid.
Arbeidet med den mykje omtala nye straumnettet frå Blåfalli i Kvinnherad til Gismarvik i Tysvær, har no vore i gong i rundt eitt år. Ulike omsyn i forhold til årstid, dyreliv, snø og terreng gjer at ein ikkje arbeider systematisk frå ein ende til den andre.
— Det som gjer dette kan vera ting som hekketider for fugl, område med mykje snø og sesongmessige forhold i terrenget der mastene står, seier byggjeleiar Terje Lunestad.
