Når folket ikkje blir høyrt – må vi hugse det ved valurnene

Dette er eit lesarinnlegg. Innhaldet gir uttrykk for skribenten sine eigne meiningar og haldningar.

Kommunestyret i Vindafjord har no sagt nei til folkeavstemming om vindkraft. Det er eit vedtak som fortener meir enn berre eit skuldertrekk frå innbyggjarane.

For bak denne saka ligg det eit sterkt signal frå folket: Over 800 innbyggjarar har signert eit innbyggjarinitiativ for å få seie si meining. Det tilsvarar nær éin av ti innbyggjarar i kommunen. Kravet for å få saka behandla var berre 184 underskrifter – det vart nådd på få timar. Likevel vel eit fleirtal av politikarane å sjå bort frå dette engasjementet.