Håpar på folkefest og ny rekordinteresse

Når deltakarane igjen legg ut på tur over fjella i Skjold, er det ein solid tradisjon som blir vidareført. Det er mange sidan Skjold på tvers såg dagens lys, men årets arrangement er den 15. gongen det blir gjennomført, etter at to av åra blei avlyst som følgje av pandemien. Bak arrangementet står eit breitt samarbeid mellom Skjold diskgolfklubb, IL Skjoldar, 4H og speidarane. Totalt er det ein komité på ti personar som står bak planlegginga, med Johannes Eide som komitéleiar.

Ny trase og færre toppar

Årets løype har fått fleire endringar. Talet på toppar er redusert frå ni til sju, og total lengd er korta ned frå 23,8 kilometer til 21,1 kilometer. Søljåsen, Valåsen og Torefjell er tatt ut av traseen, mens Haukaberg har kome inn som eit nytt innslag.