Dialog om Dommersnes-satsing

— Med den godkjende reguleringsplanen har me eit godt grunnlag for diskusjonar om finansiering, og kan intensivere det arbeidet, seier dagleg leiar Jørgen Jorde i Windafjord Port onsdag.

Dagen før vedtok kommunestyret i Vindafjord ein ny reguleringsplan for Dommersnes industriområde som legg til rette for utvikling av området til serieproduksjon for havvindnæringa, med 21 mot 4 stemmer.

For Jorde var det veldig kjekt å få planen godkjend no. Han omtalar det som ein svært viktig milepæl for å få utvikla Dommersnes, som fjernar mykje uvisse.