Kven får 150 000 kroner? Det får ungdommen bestemma

Stiftinga inviterer unge mellom 13 og 30 år til å komma med eigne forslag til kven som skal få den store pengesummen – og ein heldig deltakar får ikkje berre påverka valet, men også vera med når pengane blir delte ut før jul.

Ungdomsengasjement i praksis

Sparebankstiftinga Etne ønskjer at dei unge sjølve skal peika ut kva lag eller organisasjon som fortenar ei gåve på 150.000 kroner, og kva prosjekt pengane skal gå til. Dagleg leiar i stiftinga, Rune Ramsvik seier at det er mange lokale lag og foreiningar som gjer ein viktig innsats, og no inviterer stiftinga ungdommane til å hjelpa med å finna den rette vinnaren. Han peikar på at mange unge har eit stort engasjement.