Utforskar mogleg sentrumsløft med plassering av ny sjukeheim

— Me vil inn og sjå og lage nokre betraktningar rundt korleis dette vil styrkje sentrum, sa prosjektleiar Frode Eike i Vindafjord kommune under eit formannskapsmøte 10. februar.

Med ei tomt nær Vindafjord beredskapssenter ser kommunen på tre alternative lokasjonar for eventuelt å byggje eit heilt nytt omsorgssenter i Ølen. Eike fortalde at dei truleg vil arbeide dette ned til eitt alternativ før ein går vidare med saka.

Forutan nybygg arbeider dei vidare med å sjå på korleis ein potensielt kan utvikle Ølen omsorgssenter og Vindafjordtunet til å bli eitt felles omsorgssenter for heile kommunen, om politikarane endar på den løysinga.