Tid for å søkje støtte til kultur

— Tilskotsordninga skal bidra til å styrkje og utvikle kulturlivet i heile Rogaland, skriv Vindafjord kommune på si nettside.

Regionalt kulturfond er ei nyoppretta statleg tilskotsordning for kulturlivet i Noreg, og skal forvaltast av fylkeskommunane. Ein kan søkje om tilskot innan følgjande programområde:

• utviklingsprosjekt
• kultur gjennom heile livsløpet
• profesjonell kunst og kultur, prosjekt og tiltak
• arrangørstøtte
• immateriell kulturarv
• kulturtiltak for grupper med spesielle behov

Fondet skal bidra til å nå måla og prioriteringane i Regionalplan for kultur og idrett i Rogaland 2024–2036, og skal særleg bidra til å:

• utvikle eit kulturliv med høg kvalitet
• styrkje lokal og regional kulturfrivilligheit
• fremje samarbeid mellom profesjonelt og frivillig kulturliv
• utvikle eit berekraftig kulturliv
• auke mangfald og deltaking i kulturlivet i heile fylket
• styrkje den kulturelle infrastrukturen i heile fylket

Fristen i første søknadsrunde er 15. januar 2026. Søknadsskjema blir opna 1. desember. Søknadsfrist for ei eventuell andre søknadsrunde blir annonsert seinare, avhengig av løyvinga over statsbudsjettet.

Søknadsfristar for komande tildelingsrundar i 2026 er 1. desember 2025 og 15. april 2026.

Retningslinjene er utforma med utgangspunkt i forskrift for regionale kulturfond og Regionalplan for kultur og idrett i Rogaland 2024–2036. Retningslinjene blei vedtekne av fylkestinget 23. september 2025.