Stor stemning på nyopning av butikk

— Det har blitt ein flott butikk. Det ser skikkeleg fint ut, seier Turid Øglænd, som var blant dei mange som var innom den første timen.

Etter 17 år i Ølensvåg inviterte Europris til ein ombygd og nyoppussa butikk tysdag morgon. Folk stod klare før butikken opna, og det var eit jamt sig av folk den første timen.

Butikken har fått ei ny planløysing som gir betre kundeflyt. Det er 940 kvadratmeter salsareal. Butikken har eit shop-in-shop-konsept og eit nytt påbygg for sesongvarer.