Lokale bibliotek tar grep etter transportstans

Konkursen i Norsk bibliotektransport tidleg i april fekk konsekvensar for bibliotek over heile landet. Nær sagt all transport av bøker stoppa opp, og særleg blei fjernlånet råka – tilbodet som gjer det mogleg å låna bøker frå andre bibliotek.

I Haugaland-regionen har biblioteka no funne si eiga løysing.

I ei pressemelding tysdag skriv biblioteka i Haugesund, Karmøy, Tysvær og Vindafjord at dei har gått saman om ei mellombels, lokal transportordning for å halda bokflyten i gang mellom kommunane.