Ti mål svidd av i terrengbrann

Folk på på Kvinnherad-sida av Åkrafjorden ringte klokka 16.30 til Etne Brann og Redning for å varsla om røyk i bratt skogsterreng på Etne-sida.

Den første utrykkingsbilen var på staden rundt eit kvarter seinare. Brannfolka kunne sjå at terrenget var brent nedst ved vegen, og dessutan kjente dei den klassiske lukta av bråtebrann. Dei tok som oppover i det bratte terrenget og fann brannkanten nokre hundre meter over vegen. 

— Me mobiliserte med 15 personar, alle frå stasjonen i Etne. Me fekk fort opp ei drone som gjorde at me såg omfanget godt. Det gjorde at me ikkje rekvirerte helikopter, seier utrykkingsleiar Anders Andreasen.