Nå kan du laga situasjonsplan sjølv

Dette opplyser Etne kommune på si nettside. Ein korrekt målsett situasjonsplan på rett kartunderlag er eit krav i nesten alle byggjesøknader. Men prosessen er ofte kronglete og lite brukarvennleg.

Som først i Noreg har Norkart utvikla eit nettbasert verktøy i e-Torg som gjer det enklare å laga ein situasjonsplan. Ingen behov for handteikningar eller avanserte teikneverktøy for å få jobben gjort. Du teiknar direkte på toppen av eit situasjonskart (det offisielle kartet til kommunen) og får ein ferdig situasjonsplan på få minutt.

Ifølgje kommunen skal løysinga vera enkel å ta i bruk og ikkje krevja teknisk forkunnskap eller installasjon av programvare. Målet er å gjera prosessen både raskare og meir presis, samstundes som risikoen for feil blir redusert.