Næringsministeren besøkjer smelteverk i kjølvatnet av EU-toll

Næringsminister Cecilie Myrseth tek turen til Sauda smelteverk i kjølvatnet av EU-tollen på jernlegeringar.

Besøket skjer fredag og laurdag, opplyser Nærings- og fiskeridepartementet i ei pressemelding.

Myrseth seier ho er oppteken av å halde fram den tette dialogen med lokalsamfunnet og dei ramma partane i industrien i kjølvatnet av EU-tollen.