Motvind Vindafjord er på banen mot utbygging

— Eg trur søknader om vindkraft kom bardust på mange, og no er det viktig å få eit folkemøte i Skjold. Det er viktig å få informasjon, merksemd og debatt rundt desse planane. Heile bygda bør kome på banen, seier Anne Marte Waage Tveit.

Ho er med i eit interimsstyre på seks personar i Motvind Vindafjord etter eit spontant møte på søndag. Kvelden før var det markering med bålbrenning i Håvik for å ta vare på naturen.

— Det er viktig med ein grundig diskusjon rundt dette slik at det ikkje blir opna for noko som får konsekvensar seinare. Heile Skjold på tvers er eit godt eigna område for vindkraft. Det høyrest ganske lite ut med ei gardsmølle, men det er ikkje akkurat snakk om 30 meter, seier ho.