Må utsetje utbygging av Aksdal Senter til januar: – Tryggleiken først

— Me er nøydde til å tenkje tryggleik først. Den eine berande veggen som skal rivast og bytast ut er uavklart. Me kan ikkje ta sjansar og må prioritere tryggleik. Difor utset me heile utbygginga til januar, seier senterleiar Elisabeth Brekke Førland.

Veka før var ei stor gruppe smilande menneske på trykk i Bygdebladet. Då var alt klart. Senterleiaren forklarar kva som har skjedd dei siste dagane.

— Som sagt handlar dette om tryggleik knytt til å rive denne veggen og utvide bygget. Me har òg ein tidsplan i høve til leigetakarane som dette arbeidet gjeld (Vinmonopolet, red. anm.). Ved ei utsetjing no kan me ikkje innfri den planen som er sett, seier senterleiaren.