Slåttefolk på Dalen i Innbjoa runtd 1920.
Privat
Kvardagsminne frå farne dagar
Sogelaga i Vindafjord kommune er klar med si siste utgåve av sogeskriftet Vindetreet. Ei bok fylt med interessante kvardagshistoriar, personlege minne, amerikabrev og litt krim.
Årets utgåve av Vindetreet føyer seg inn i rekkja av sogeskrift
med interessante og gripande historiar om folk og bygdeliv slik det var for
over hundre år sidan og fram til nyare tid. Gjennom 46 artiklar blir lesarane
tatt med på ei tidsreise der folks liv og lagnad blir beskrive i tekst og
bilde. Boka er eit samarbeid mellom sogelaga i Vindafjord og er utgitt i 1400
eksemplar. Redaksjonen består i år av ti personar som har jobba nesten eit
heilt år for å få boka klar i god tid før jul.
— Arbeidet
med neste Vindetre startar i grunnen så snart me er ferdige med årets
utgåve. Det er ein prosess som er slik at nokre idear kan ein få med i år,
andre artiklar må stå vent, kanskje i fleire år til det passar i høve plass og
tema, seier Ingrid Mathilde Sørvåg i redaksjonen.
Ein del av artiklane skriv medlemmene i redaksjonen sjølv,
andre blir henta inn frå bygdefolk.
