Klar, ferdig, romjulstur

Friluftsrådet Vest inviterer til romjulskonkurranse i Stikk UT!–appen, der folk kan registrera turar og bli med i trekning av gåvekort. Konkurransen går frå 20. til 31. desember, og det blir lagt ut tre forskjellige turar i kvar av dei 13 kommunane i deira område.

— Me vil motivera folk til å gå tur i jula, kanskje kan dette hjelpe folk til å koma seg ut, seier Rune Westre, natur- og friluftsrettleiar i Friluftsrådet Vest.

For å vera med i trekninga må ein registrera fem turar i perioden. Stikk UT! er ein turregistreringsapp der folk kan finna turmål, registrera turane sine og følgja eigen aktivitet gjennom året. Ordninga er eit samarbeid mellom fleire friluftsråd, og har som mål å få folk meir ut på tur – både i kvardagen og i høgtidene.