Kan bli lågare fartsgrense på E134

Det fortalde avdelingsdirektør for trafikksikkerheit i etaten, Guro Ranes, på P4-nyheitene fredag. Overfor Haugesunds Avis, som var først til å omtale saka, fastslår ho at E134 kjem til å bli vurdert etter dei nye kriteriuma dersom dei blir vedtekne.

— 30 kilometer i timen skal vere utgangspunktet for vurderinga av fartsgrense innanfor tettbygde strøk, men kan setjast høgare – det vil seie 40 eller 50 kilometer i timen – dersom det blir rekna som forsvarleg, skriv Ranes i ein e-post, og viser til dei mjuke trafikantane som ferdast også på desse vegane.

I tillegg til Ølen stadfestar ho at delen av E134 som går gjennom Røldal, òg er aktuell for vurdering etter dei nye kriteriuma.