Joker Vats kåra til årets butikk

Butikken i Vats har fått heider gjennom den nasjonale satsinga for nærbutikkar.

I ei tid der mange småbutikkar slit, har Joker Vats klart å gå mot straumen. Nyleg blei dei kåra til årets butikk i region vest – eit bevis på at innsatsen blir sett og verdsett. Prisen er ein del av det nasjonale programmet, som støttar og lyfter fram lokaleigde daglegvarebutikkar i distrikta.

— Det er veldig kjekt å bli lagt merke til, spesielt her i vesle Vats. Det betyr mykje at dei ser kva me held på med, seier butikksjef Audhild Sørhus Lindanger.