Har løyst biogassmotsegner

Dette kjem fram i eit brev signert fylkesmiljøvernsjef Cathrine Stabel Eltervåg og seniorrådgivar Ragnhild Askeland i Statsforvaltaren i Rogaland 13. mars.

Svarte opp manglar

Statsforvaltaren kom med fråsegn med motsegn 6. februar, der dei etterlyste fleire element i planen. 25. februar kom Vindafjord kommune med ei omfattande oppfølging. Kommunen viste til at Statsforvaltaren hadde motsegn til risiko- og sårbarheits- (ROS)-analysen, plankart og føresegner, jamfør plan- og bygningslova, og at Statsforvaltaren skreiv følgjande i fråsegnet: «Viktige risiko- og sårbarheitsforhold er ikkje tilstrekkeleg avklart. Dette gjeld spesielt for flaum-/erosjonsfare med klimapåslag, arealmessige avgrensingar for brann/utslepp/eksplosjonsfare, og risikoen som ligg i trafikkauke for både mjuke trafikantar og annan trafikk.»