Reiste ut av byen

Ho understrekar rett nok at ho gjorde det like mykje for å få ro og fred. Det hadde gått ut meldingar om at etter USA og Israel sitt åtak på Iran, trua Iran den aktuelle natta med å angripa amerikanske og israelske bankar i nabolanda og at ein burde halda ein avstand på èin kilometer frå slike stader. 

— Eg veit ikkje heilt kor dei bankane er, så eg køyrde halvannan time nordover kor eg slo opp telt og overnatta saman med hunden min. Me bada og kosa oss, men på kvelden høyrde eg på avstand minst hundre eksplosjonar, seier Veslemøy Skogen.

Ho meiner at det kan ha vore drønn frå operasjonar i Hormuzsundet, for ho var heilt oppe ved grensa til Oman.