Grannarmarsj og stafett

Over Fikse er eit samarbeidsprosjekt mellom Ølen idrettslag, Etne idrettslag, Medvind 24, Fikse Næringsutvikling, Vindafjord turlag, Etne turlag og Grannar. Tysdag 1. mai går årets utgåve av stabelen, og ein kan velja om ein vil delta i Grannarmarsjen, eller i stafettklassen.

Målgang i idrettshallen

Grannarmarsjen er ein turmarsj for heile familien og passar for både barnevogner, rullestolar, små barneføter så vel som vaksne erfarne turbein. Turen startar ved Ølen stadion og målgang blir i år inne i sjølve idrettshallen på Skakke. Dette gjeld også for deltakarane i stafetten, og mens det var 12 påmelde lag i fjor, er det så langt 21 lag som skal vera med. Det er arrangøren svært fornøgd med.