— Gøy å bli ein annan person
Heile hausten har barn frå heile Vindafjord samla seg i Sandeid for å øva på . Her får dei kjenna på meistring, vennskap og teaterglede.
— Tramp i takt nå, endå høgare. Få kontakt med publikum, det er dei de skal fortelja historia til, seier Jostein Apeland, som saman med Jane Elin Owe har regi, til gjengen som øver på scena.
Det er første gjennomgang av stykket Kardemommeby, som dei har øvd på heile hausten. Laurdag 30. november er det premiere i Sandeid kulturhus, og spenninga er i ferd med å bygge seg opp.
I august starta dei første øvingane, men då var det mest fokus på å bli kjende og trygge i gruppa.
— Du er heilt øvegidde, du kan nesten ikkje tru det, seier Apeland med eit smil om munnen, og ber dei ta nummeret på nytt.
Apeland synest det er viktig at barna skal kjenna på eit eigarskap til rolla si. Dei bruker tid gjennom hausten på å finne karakteren sin. Dei har tekstanalyse, og set seg inn i kva som blir meint med det som blir sagt på scena.
