Bildeserie
Gnistrande julestemning på open dag
Ein må vera ganske tjukkhuda om ein ikkje blir rørt av eit besøk på Gnisten sin julemarknadsdag. Hilde Vestbø og dei andre tilsette gjer ein formidabel jobb, og på slike dagar får folk innsyn i kva arbeidsfellesskapet har av kreative idèar og kortreist produksjon.
Det er ingen som set namnet sitt på produkta eller idèen bak dei, men mange meiner at ikkje minst Hilde Vestbø veit kva som skal til av produkt for at folk med store julepyntkassar heime, likevel blar opp hundrelapp etter hundrelapp år etter år. Nokre produkt kjenner ein att fra eit år og to tidlegare, men alltid ser det ut til at det er klekka ut nye idèar.
Stoltheit
På den opne dagen var det lett å leggje merke til samspelet mellom arbeidsleiarane og dei som produserer, samt det avslappa miljøet for dei fleire hundre som er innom denne dagen.
