Funderud ferdig i Etne Høgre

Ole Funderud seier at han aldri har vore i tvil om at ordføraren sette strek i debatten, og at ho difor har brote regelverket. Difor er han også nøgd med at Grannar kan dokumentere at strek var satt, sidan ordføraren sa i kommunestyret torsdag at ho ikkje var sikker på om strek var satt eller ikkje.

— Eg vil halde tak i denne saka. Samstundes forventar eg at ordføraren sjølv syt for å få avklart om kommunestyret har gjort eit lovleg vedtak eller ikkje, seier politikaren.

Funderud opplyste torsdag kommunestyret om at han har meldt seg ut av Høgre. Det var frå før klart at han er inn i siste kommunestyreperiode. Han seier til Grannar at han ikkje har hatt resten av Høgre si gruppe med seg, verken då han ståtte Frp sitt framlegg om freding av ungdomstrinnet ved Skånevik skule, eller i kritikken av ordføraren si handsaming av budsjett-debatten. Han seier at ingen i Etne Høgre har oppmoda til å melde seg ut.