Flyttar inn i Aksdal senter

(TYSVÆR BYGDEBLAD:) No er det nemleg klart at Simoun Chkro og hans El Toro tek over lokala til Nam Nam på den sør-austlege sida av senteret.

Chkro driv allereie ein El Toro-restaurant på Norheim, like ved Karmsund bru.

På restaurantens heimeside får dei mykje skryt frå kundane:
— Enten du er glad i kebab, pizza eller hamburger, ligg maten frå El Toro heilt i toppen på Haugalandet.

Senterleiar Elisabeth Brekke Førland ser fram til opninga:
— Vi gler oss til å få El Toro til Aksdal. Dei har pussa opp heile lokalet og arbeidd for å få alt heilt perfekt. Arbeidet pågår framleis, men snart vil dørene opnast. Det er kjærleik i maten som blir laga hos El Toro, og ein entusiasme for god service og smakfull mat. Det blir spennande å følgje dei vidare, seier senterleiaren.