Stillingsutlysingar i dag krev ikkje berre utdanning, men også arbeidserfaring. Sommarjobbar har då vore ein god inngang til arbeidslivet. — Du får ikkje erfaring dersom du ikkje får prøva deg, seier Daniel Andreas Breivik (t.h). Mari Rogne Vinje er glad for moglegheita til å teste terrenget.FOTO: SIRIANNE VIKESTADBilde 1 av 2
Kristine Meland (105) kraup i åkeren etter gulrøtter og kålrabi om sommaren og meiner det er viktig at dei unge, som Lyth Bendik Hole (t.v), får prøve seg i arbeidslivet.
Får ein porsjon erfaring
Sirianne Vikestad Sirianne Vikestad
PublisertSist oppdatert
Tålmod er ein viktig eigenskap som Daniel Andreas Breivik (26) frå Skjold og Mari Rogne Vinje (21) frå Etne får testa godt i sommar.
For å komme inn på deira arbeidsplass må du køyre inn gjennom ein låst port og levere frå deg mobiltelefonen. Dei er nemleg i Sandeid fengsel i sommar, som vikarbetjentar.
— Det er eigentleg ganske tilfeldig at eg er her, for eg fekk vita om jobben gjennom kameratar som har jobba her før, og eg synest det verka både interessant og spennande. Du får eit innblikk i ein annan del av samfunnet, og det er ikkje alle som får den sjansen, seier Daniel Andreas Breivik.
