Etne kino med fem premierar

Kinosjef Gøril Eidhammer ved Etne kino byr på kino kvar dag gjennom heile påsken, mellom anna fem premierar. Filmen A united kingdom er ein av filmane som blir vist, og medlemmar av filmklubben kan merka seg at dette blir ein filmklubb-film. I Danmark er den allereie sett av over 100.000 menneske, og kinosjefen trur at filmen vil engasjera den vaksne generasjonen kinogjengarar.

A United Kingdom er basert på den sanne og fantastiske kjæreikshistoria til afrikanske Seretse Khama og engelske Ruth Williams. Khama var tronarving til landet som i dag heiter Botswana. I 1948 gifta dei seg og trassa dermed familiane sine, den britiske kolonimakta og ikkje minst nabolandet Sør-Afrika som samtidig innførte apartheid. The boss baby er også ein film kinosjefen har store forventningar til. Filmen er hysterisk morosam og handlar om korleis ein heil familie kan bli snudd på hovudet når yngstemann, Tim på sju år får ein ny veslebror. Heile historia er fortalt frå Tim sitt perspektiv, og som barn flest har han ein ganske vill fantasi.

Spenning for store og små