Dette vil dei søkje på

Grannar har stilt dette spørsmålet til 11 elevar ved Skjold skule og Enge skule:

— Kva vil du søkja, og kvifor?

Maria Stene Bauge (15), Vikebygd

— Eg er ikkje heilt sikker, men eg har tenkt litt på naturbruk.

Heine Nes (15), Vikebygd

— Eg skal søkja TIF eller byggfag i Ølen. Eg vil ut i lære så fort som mogleg.

Even Bauge (15), Skjold

— Eg skal enten søkja TIF eller naturbruk på Bømlo eller Tau. Eg vil ha eit praktisk fag, og det verkar gøy å jobba i fiskeoppdrett.

Alva Innvær (15), Vats

— Eg er litt usikker, men eg trur eg vil landa på helse i Ølen. Eg trur det passar meg best. Eg likar å vera sosial, snakka med folk og lytta.

Kristian Børre (15), Vats

— Eg har tenkt på restaurant og matfag. Eg tenkjer det vil vera interessant å laga mat og jobba i Nordsjøen.

Antonia Wybraniak (15), Skjold

— Eg skal søkja studiespesialisering i Haugesund. Eg er interessert i realfag.

Maria Sølvberg, Etne

— Eg vil søkja på Toppvolleyball Norge på Sand, fordi eg synest det er kjekt å spela volleyball, og eg vil sjå kor langt eg kan koma.

Inger Sofie Håland, Etne

— Eg vil søkja på kunst og design, først og fremst i Stavanger. Eller så vil eg søkja på yrkesskule for frisør, blomst, interiør og eksponeringsdesign. Fordi eg vil bli interiørarkitet.

Kristine Wold-Flokketvedt, Etne

— Eg vil gå på idrett på Framnes vidaregåande. Det er ein kristen internatskule i Norheimsund. Eg kan sjølvsagt gå studiespesialisering, men eg har lyst å ha meir idrett inn i kvardagen.

Mohammed Alwaked, Etne

— Eg skal søkja på Haugesund Toppidrettsgymnas. Eg har lyst å sjå kor langt eg kan koma i fotballen, og eg har høyrt at skulen er bra.

Orvar Mømb Hammersland

— Eg skal søkja på bygg og anlegg i Ølen. Fordi eg synest det er kjekt å byggja ting, og det interesserer meg.